10 Pinoy repatriates mula sa Japan, nakitaan ng sintomas ng COVID-19

Umaabot na sa 10 ang bilang ng mga repatriates mula sa Diamond Princes Cruise Ship ang nakitaan ng sintomas ng Coronavirus Disease 2019 (COVID-19).

Ayon kay Health Assistant Secretary Maria Rosario Vergeire, agad namang dinala sa referral hospital ng Department of Health (DOH) at kasalukuyang stable na ang kondisyon ng mga ito.

Sinabi ni Vergeire na 7 sa naturang bilang ay negatibo sa COVID-19 base sa kanilang laboratory result matapos na makaranas ng soar throats at non-productive cough.

Habang hinihintay pa ang resulta ng nalalabing 3 repatriates.

Martes ng nakaraang linggo nang magsimula ang 14-day quarantine ng lahat ng 455 repatriates sa Cruise Ship sa New Clark City sa Capas, Tarlac.