13 Pilipino na nailikas mula Ukraine, nakauwi na sa Pilipinas

Pasado alas-10 kagabi nang lumapag  sa Terminal 3 ng Ninoy Aquino International Airport (NAIA) ang eroplano ng Emirates Airlines Flight EK 334 kung saan sakay ang 13 Filipino mula Ukraine.

Ang mga umuwing Pinoy ay kinabibilangan ng 12 adults at isang bata

Ayon naman kay Undecretary Sarah Lou Arriola ng Office of the Undersecretary for Migrant Workers Affairs (OUMWA), karamihan din sa mga Pilipinong umuwi ay galing ng Kiev na itinawid sa Lviv .

Bukod sa 13, kasama sana ang 4 ng mga kababayan natin ang hindi nakalipad dahil naabutan ng pagsasara ng paliparan sa Ukraine.

Ani pa ni Arriola, bukod sa bilang na ito may 15 pa sa Lviv ang itatawid na ngayong araw paputantang Warsaw Poland para naman repatriation pauwi ng Pilipinas .

Gayong marami pa sa mga kababayan natin doon ang gusto pa ang manatili sa Ukraine.

Paliwanag din ni Arriola, taong 2014 nang magkaroon ng deployment ban sa Ukraine kaya hindi rin masasabi na ang mga Pilipino nasa Ukraine ay documented.