16 domestic flight sa NAIA, kanselado dahil sa sama ng panahon

Kanselado ang 16 na domestic flight sa Ninoy Aquino International Airport (NAIA) ngayong araw ng Lunes, ika-28 ng Agosto, dahil sa sama ng panahon.

Sa abiso ng MIAA Media Affairs Division Office, kanselado ang 6 na biyahe ng Cebu Pacific sa pagitan ng Manila, Tuguegarao at Cauayan, Isabela.

Habang 8 naman ang kanseladong flights ng CebGo na biyaheng Balikan mula Manila patungong San Jose, Masbate at Naga.

Apektado din ang 2 biyahe ng airSWIFT sa pagitan ng Manila at El Nido Palawan.

Patuloy na nakamonitor ang MIAA sa posible pang pagdagdag ng mga biyaheng maapektuhan dahil sa nararanasang sama ng panahon.