1M doses ng Sinovac vaccines na binili ng Pilipinas, dumating na

Pasado alas 7:00 ng umaga ng lumapag ang cebu Pacific flight 5J 723 kung saan sakay  ang 1 milyong doses ng Sinovac vaccines na lumapag sa Ninoy Aquino International Airport Terminal -3.

Sumalubong sa naturang bakuna ay sina Health Secretary Francisco Duque III at iba pang opisyal ng Department of Health at National Task Force against COVID -19

Ayon kay Duque,  ibabahagi ang naturang bakuna sa Metro Manila  at sa mga lugar na may mataas na kaso ng COVID -19.

Tiniyak din ni Sec.Duque na kakayanin naman ang hinihingi ng mga LGU sa Metro Manila na  4 Milyong doses ng bakuna kontra COVID -19 na  alokasyon  sakaling mag patupad ng Enhanced Community Quarantine

Sa bilang na ito, umabot na sa 18 – M doses ng bakuna ang dumating na sa Pilipinas.

Sa Aug. 3 naman muli ang susunod na bakunang darating na 3M doses ng Moderna.