2 Amerikanong pugante sa Texas, arestado sa Pampanga

INARESTO ng mga tauhan ng Bureau of Immigration (BI) sa magkahiwalay na lugar sa Pampanga ang dalawang (2) Amerikanong pugante na wanted sa kasong fraud and money laundering sa Texas.

Ayon sa BI, naaresto ang mga suspek na si sina Robert Boling Jr. at Allan Velarde Kerr noong Agosto 7 sa Angeles City at Mabalacat, Pampanga at ngayon lamang nila ito isinapubliko.

Nabatid na taong 2011 ng dumating sa bansa si Boling habang si Kerr ay noong 2006 pa nasa bansa.

Nakatakda namang i-deport pabalik ng Amerika ang dalawang dayuhang pugante.

Ulat ni: Charlie Nozares