2 pulis, patay matapos bawian ng mga target sa Bulacan

Agad na nasawi ang 1 pulis nang tamaan ng bala sa ulo sa isang engkwentro sa Sitio Tugatog, NIA road, Brgy Tambubong, alas-2 ng tanghali ng Sabado, March 8, 2025.

Habang ‘di rin nakaligtas ang 1 pang kasamahan nito dahil sa tama ng bala sa katawan nito kasunod ng ikinasa nitong buy-bust operations sa lugar.

Kinilala ang mga biktimang pulis na sina PSSG Dennis Cudiamat y Gomez, at PSSG Gian George Dela Cruz y Nicolas na kapwa naka-assign sa Bocaue Municipal Police.

Ayon sa imbestigasyon, biglang pinaputukan ang mga pulis ng ‘di pa nakikilalang mga suspek na dumiretso sa Pandi, Bulacan.

Napag-alamang tinangay rin ng mga suspek ang service firearms ng mga pulis habang patuloy ang follow up operation ng mga awtoridad.