2 tripulante ng MV Diamond Princess, nagpositibo sa COVID-19

Nagpositibo ang 2 tripulante ng MV Diamond Princess mula sa Japan na naka-quarantine ngayon sa New Clark City sa Capas Tarlac.

Sa isang press briefing, tinukoy ni Health Assistant Sec. Maria Rosario Vergeire na “asymptomatic” ang 2 lalaki na 31-anyos at 34-anyos.

Sila na ngayon ang cases number 23 at 24.

Ayon kay Vergeire, inaalam pa ngayon ng Department of Health (DOH) ang impormasyon na walang sinyales ng respiratory illness ang dalawa.

Samantala, nakatakda ngayong araw ang send-off sa higit 400 repatriates na nasa Athlete’s Village sa NCC.

Sa kabila nito, tumanggi namang magbigay ng detalye si Vergeire kaugnay ng nasabing aktibidad dahil confidential umano ito.