3 Abu Sayaf supporters sa Sulu, sumuko sa militar

Kusang loob na sumuko sa pamahalaan partikular na sa mga militar ang 3 supporters ng Abu Sayaf Group (ASG) sa Sulu.

Nakipag-ugnayan ang 3 sa mga tauhan ng 1101st Infantry Brigade sa ilalim ng pamumuno ni Brig. General Eugene Boquio ng Bud Bayug, Talipao, Sulu.

Ang nasabing 3 surrenderees ay kilalang gma supporter ng ASG sub leader na si Abduljihad Suuskan, aka “Idang”.

Bukod sa kanilang mga sarili, isinuko rin ng 3 ang kanilang mga armas gaya garand rifle, isang carbine rifle at isang caliber 45 pistol.

Nagpasalamat ang militar sa desisyon ng 3 kasabay ng panawagan nito sa mga natitira pang supporters ng terorismo sa probinsiya na sumuko na at magbagong buhay.

Nito lamang September 8, nang iprinisenta rin ng militar kay Defense Secretary Gilbert Teodoro ang 30 ASG returnees sa gitna ng pagdiriwang ng 633rd Bangsa Sug Day.