Sports
33 volleybelles, kasali sa wish list para sa national team
Kasama sa wish list ng Philippine National Volleyball Federation (PNVF) ang 33 volleyball players para sa national team.
Kabilang sa mga inimbitahang sumabak sa tryout ang top collegiate players, overseas-based athletes, PVL standouts, at kasalukuyang miyembro ng Alas Pilipinas.
Ang mga mapipili ay lalaro sa 6th AVC Challenge Cup for Women sa Hunyo 8-15, 5th Southeast Asian V. League Week 1 sa Hulyo 25-27, at Week 2 sa Agosto 1-3.
Kasama rin sa paghahanda ang 33rd Southeast Asian Games sa Disyembre 7-19.
Sa mga setter, kabilang sa mga iniimbitahan sina Mars Alba, Julia Coronel, Jia De Guzman, Dawn Catindig, at Jen Nierva.
Sa opposite spikers naman ay sina Tots Carlos, Shevana Laput, Faith Nisperos, Eli Soyud, at Alyssa Solomon.
Sa outside hitters, kabilang sina Bella Belen, Angel Canino, Vanie Gandler, Eya Laure, Glau Troncoso, Brooke Van Sickle, Shaina Nitura, at Savi Davison.
Samantala, sa middle blockers naman ay sina Thea Gagate, Maddie Madayag, Del Palomata, Pangs Panaga, MJ Philips, at Fifi Sharma.
