Metro News
35 dating rebelde, sumailalim sa deradicalization program sa Sorsogon
Sumailalim sa apat na araw na deradicalization program ang 35 dating rebelde sa Castilla, Sorsogon.
Ito ay sa pangunguna ng 903rd Infantry Brigade na may temang:
“Bagong Buhay, Bagong Pag-asa Hatid ng Pamahalaan para sa mga Kapatid na Dating Rebelde.”
Kabilang sa aktibidad ang mga lecture at livelihood training para maihanda ang mga dating rebelde sa mainstream society.
Sinabi ni 903rd Infantry Brigade commander Colonel Alwine Almase na bagama’t minsang umanib ang mga dating rebelde sa mga kalaban ay maaari pa rin silang mamuhay ng mapayapa at produktibo.
Hinikayat naman ni Joint Task Force (JTF) Bicolandia Major General Henry Robinson ang mga dating rebelde na
tulungan ang gobyerno maimulat ang mga mata ng mga mamamayan sa panganib ng pagsali sa Communist Terrorists Group (CTG).