4 na pulis Las Piñas na naaktuhang nag-iinuman habang nakaduty, arestado

ARESTADO ng PNP Internal Affairs Service (PNP-IAS) ang apat na pulis na naaktuhang nag-iinuman habang nakaduty sa Barangay Talon Uno sa Las Piñas kaninang madaling araw.

Kinilala ang mga pulis na sina Police Corporal Alquin Orgen, Police Corporal Randy Danao, Police Corporal Robemar Abales at Patrolman Samuel Inoc na mga nakatalaga sa Las Piñas Police Station 6.

Ayon kay IAS-NCR Chief Police Brigadier General Gerry Galvan, nagsasagawa ng spot inspection ang PNP-IAS nang maaktuhan ang apat na nag-iinuman habang nasa checkpoint sa kahabaan ng Zapote Road.

Nadis-armahan na aniya ang mga pulis at naipalam na kay NCRPO Chief Guillermo Eleazar ang insidente na kinasasangkutan ng mga ito.

Sa ngayon ay inihahanda na ang kasong administratibo na isasampa sa mga pulis.

DZAR1026