5.8-M Pinoy, hindi marunong bumasa — FLEMMS

Mayroong 5.8-M Pilipino na hindi marunong bumasa, sumulat o magbilang ayon sa 2024 Functional Literacy, Education and Mass Media Survey (FLEMMS).

Nasa 28.4-M Pilipino naman ang may problema sa pag-unawa o comprehension.

Ibinahagi ito ni Sen. Win Gatchalian sa isang pagdinig sa Senado nitong April 30, 2025.

Ang FLEMMS ay isang survey na isinasagawa tuwing 5 taon.

Nagbibigay ito ng mahalagang datos at ideya sa mga opisyal ng gobyerno at iba pang stakeholder kung paano tutugunan ang problema ng illiteracy o kawalan ng kakayahang bumasa at sumulat sa bansa.

Dahil dito, nanawagan si Gatchalian sa Department of Education (DepEd) na tugunan agad ang sitwasyon.