5 authors, arestado dahil sa pagpapakalat ng fake news kaugnay ng COVID-19

Arestado ng Philippine National Police (PNP) ang 5 authors ng maling impormasyon na kumalat sa social media.

Ayon kay PNP Chief Police General Archie Francisco Gamboa, kabilang ang mga ito sa 24 na indibidwal na inireklamo dahil sa pagpopost ng fake news tungkol sa Coronavirus Disease 2019 (COVID-19) na nagdulot ng takot sa publiko.

Sa monitoring ng pulisya, 20 insidente ng maling impormasyon ang nadiskubre nila simula nang umiral ang enhanced community quarantine.

Babala pa ni Gamboa, sasampahan nila ng kasong online libel at paglabag sa Anti-Cybercrime Law ang lahat ng nagpapakalat ng fake news.