6.9K biktima ng bagyong Kristine sa CamSur, tinulungan ng OVP

Sa pangunguna ng  Disaster Operations Center ng Office of the Vice President (OVP), binigyan ng relief boxes nitong Oktubre 27, 2024 ang nasa 1.8K na mga pamilya sa Pamplona, Camarines Sur.

Nasa 1.1K na pamilya naman sa munisipalidad ng Libmanan ang nakatanggap ng tulong sa kaparehong araw mula sa tanggapan ni Vice President Sara Duterte.

Sa Naga City,  aabot sa 4K pamilya ang nabiyayaan ng relief items.

Kabilang sa mga ipinamahagi ng OVP ay canned goods, bottled water, bigas, tsinelas at iba pa.

Hindi maipagkakaila na ang Bicol Region ay isa sa mga lugar na lubhang naapektuhan ng pananalasa ng bagyong Kristine.