6 barangay sa Mandaluyong City, apektado na rin ng COVID-19 pandemic

Apektado na ang 6 na mga barangay sa lungsod ng Mandaluyong dahil sa patuloy na pagkalat ng Coranavirus Disease 2019 (COVID-19).

Kabilang sa 6 ang barangay Highway Hills, Plainview, Daang Bakal, Hulo, Vergara at Wack-Wack.

Batay sa Mandaluyong City Health Department, isang pasyente ng nasabing lungsod ay nagpositibo sa naturang virus na kasalukuyan naconfine sa Pampanga.

Sa ngayon, umabot na sa 9 ang persons under investigation (PUI) habang 201 naman ang persons under monitoring sa naturang lungsod na nagpapakita ng magandang kondisyon.

Ang pagtaas naman ng PUMS ay dahil sa pinaigting na contact tracing ng city health office sa pakikipagtulungan sa Department of Health (DOH).