7 NPA sa Caraga Region, nagbalik loob sa pamahalaan

Sa 2 magkasunod na araw, 7 rebelde mula sa Agusan del Norte at Surigao del Sur sa Caraga Region ang sumuko sa tropa ng pamahalaan.

Ang pagsuko ng mga rebelde ay resulta ng joint intellegence operations na ginawa ng 4th Infantry Division sa nasabing rehiyon.

Ayon sa ulat, 4 na terrorista ang sumuko sa pamahalaan sa Purok 1, Barangay Magroyong, San Miguel, Surigao del Sur kung saan kasama sa kanilang isinuko ang 2 AK47 rifles.

Habang sa Cabadbaran City at Kitcharao sa Agusan del Norte 3 rebelde rin ang sumuko sa 90st Infantry Brigade kasama ang 4 na armas

Ayon kay 4th Infantry Division Commander Major Gen Jose Maria Cuerpo ang tagumpay ng joint intelligence operations ng mga units sa ilalim ng 901st at 401st Brigade ay dahil sa epektibo nitong negosasyon sa natitira pang terrorista sa lugar.