76ers Guard Ben Simmons, liliban muna ng paglalaro sa NBA

Hindi na muna makatatapak ng hardcourt ng NBA sa susunod na 2 linggo ang Philadelphia 76ers guard na si Ben Simmons.

Ito ay dahil sa iniinda nitong back injury.

Ayon sa pamunuan ng 76ers ay sasailalim sa daily treatment ang player para sa kaniyang nerve impingement at i-ievaluate matapos ang 2 linggo.

Matatandaang, nito lang Sabado nang lumabas agad si Simmons ng court sa naging laban nila sa Milwaukee Bucks dahil sa sakit ng likod nito.

Sa ngayon ay nakapag-average na ang 23 year old player ng 16.7 points, 7.8 rebounds at 8.2 assists sa huling 54 na games.