84 kandidato sa BSKE posibleng masampahan ng disqualification case – Comelec

Inihayag ng Comelec na nasa 2173 na ang kabuuang bilang ng show cause orders na kanilang naipalabas laban sa mga kandidato at supporter na maagang nangangampanya para sa Barangay and Sangguniang Kabataan Elections (BSKE).

Mula sa naturang bilang, nasa 240 pa lang ang natanggap na sagot ng Comelec.

Sa inisyal na assessment ng komisyon, nasa 84 ang maaring masampahan ng disqualification case.

Nitong Lunes, ika-25 ng Setyembre, ayon sa Comelec sa ilalim ng Task Force “Kontra Epal”, 218 ang karagdagang naisyuhan ng show cause order.

Ang mga kandidato na naisyuhan nito ay mayroon lamang 3 araw na sumagot o magpaliwanag sa Comelec.