Alice Guo, mananatili sa custodial center ng PNP

Temporaryong mananatili sa custodial center ng Philippine National Police (PNP) si Alice Guo sa Camp Crame, Quezon City.

Kasunod ito ng kanyang pagdating mula sa Indonesia, madaling araw ng Biyernes, Setyembre 6, 2024 sa pamamagitan ng isang private plane.

Orihinal sana itong makabalik sa Pilipinas noong Setyembre 5.

Kaugnay nito, sumailalim na si Guo ng booking procedure gaya ng pagkukuha ng fingerprints nito, mugshots at medical examination.