Andrew Bogut, nagbabalik sa Golden State Warriors

Tatapak na muli sa hard court ng NBA ang player na si Andrew Bogut.

Inanunsyo ngayong araw ng management ng Warriors na maglaro muli si Bogut sa kanilang koponan.

Lumagda si Bogut sa Warriors matapos ma-clear ang kontrata nito sa Sydney Kings sa Australia.

Matatandaan namang naglaro ang 2005 no. 1 overall pick na si Bogut para sa Warriors noong 2015 champion team.

Sa ngayon ay hinihintay na lang ang working visa at clearance paper ni Bogut mula sa FIBA para makapaglaro na ito para sa Golden State Warriors.

DZARNews