Anibersaryo ng Zamboanga del Sur bilang insurgency free province, dinaluhan ng AFP chief

Dumalo si Armed Forces of the Philippines (AFP) Chief of Staff Gen. Romeo Brawner Jr. sa ikatlong anibersaryo ng Zamboanga del Sur bilang insurgency free province.

Ang pagdiriwang ay isinagawa sa Provincial Government Center sa Barangay Dao, Pagadian City.

Dito ay ginunita ang ipinakitang dedikasyon ng mga local leaders, uniformed services at maging ang komunidad para makamit ang kapayapaan sa lalawigan.

Kasabay nito nananawagan si General Brawner sa mga taga Zamboanga del Sur na patuloy na magkaisa sa makibahagi sa whole of the nation approach para mapanatili ang kapayapaan at kaayusan sa buong lalawigan.