Anthony Leachon, nagbitiw bilang special adviser for non-communicable diseases ng DOH

Nagbitiw na bilang special adviser for non-communicable diseases sa Department of Health (DOH) si Health Reform Advocate Dr. Anthony ‘Tony’ Leachon.

Tinukoy ni Leachon ang kanyang desisyon matapos ang masusing pag-iisip at batay sa personal na dahilan para sa kanyang sarili, pamilya at sa kanyang kinabukasan.

Nagpasalamat din si Leachon sa pagkonsider sa kanya sa pwesto at umaasang magtatagumpay ang DOH sa hinaharap.

Matatandaan na noong Agosto nang ianunsyo ni Health Sec. Ted Herbosa ang pagkakatalaga ni Leachon bilang special adviser ng ahensya.

Una na ring itinalaga si Leachon bilang special consultant ng National Task Force Against covid-19 noong 2020 sa ilalim ng Duterte administration.