Australia, ibabawal na sa mga kabataan ang social media

Tinatrabaho na ng Australia ang pagkakaroon ng batas kaugnay sa minimum age ng mga kabataang tatanggalan ng access sa social media.

Sa ngayon ay wala pang pinal na age range na magiging saklaw ng batas.

Subalit posibleng magsisimula ang pagbabawal ng access sa social media sa mga kabataan edad 16 o 14 pababa batay na rin sa mga panawagan ng maraming magulang doon.

Sa pamamagitan nito, naniniwala ang Australian government na isa sa matutugunan ay ang isyu ng bullying.