Ayuda sa maaapektuhan ng ECQ, aprubado na ni PRRD – Sen. Go

Aprubado na ni Pangulong Rodrigo Roa Duterte ang pondo para sa financial assistance na ipapamahagi sa bawat indibidwal na maapektuhan ng Enhance Community Quarantine (ECQ ) na ipatutupad simula sa araw ng byernes.

Ito ang naging anunsyo ni Sen. Bong Go ngayong umaga.

Nagkakahalaga ng  ₱1,000 kada kwalipikadong indibidwal sa NCR, at  ₱4,000 kada household ang ipamamahagi ng pamahalaan.

Ang pondo ay direktang maida-download ng mga LGU sa Metro Manila.

Sa taya ng Department of Budget and Management (DBM), National Economic and Development Authority (NEDA) at iba pang ahensya,  80%  o mahigit  ₱10.8 milyong indibidwal ang mabibigyan ng ayuda.