National News
Bagong disaster response-focused unit ng EastMinCom, idineploy na
Idineploy ng Eastern Mindanao Command (EASTMINCOM) ang kanilang bagong disaster response-focused unit na Joint Task Force (JTF) Sambisig sa mga lugar na hinagupit ng bagyong Odette.
Ginawa ang joint send-off ceremony sa headquarters ng Naval Forces Eastern Mindanao sa Panacan, Davao City.
Pamumunuan ang JTF Sambisig ni Commodore Carlos Sabarre.
Magtatatag ito ng pansamantalang himpilan sa Surigao City, Surigao del Norte para mapangasiwaan ang Humanitarian and Disaster Relief (HADR) operations at pamamahagi ng relief goods.
Binubuo ang JTF Sambisig ng JTF Seahawk bilang TF Karagatan para sa Sea Component; JTF Diamond at JTF Agila bilang TF Katihan para sa Land Component; Tactical Operations Wing Eastern Mindanao bilang TF Himpapawid para sa Air Component; at TF Locally-Stranded Individuals (LSI).