Bata na nakitaan ng sintomas ng Novel Coronavirus, patuloy na inoobserbahan

Patuloy na inoobserbahan ng Department of Health (DOH) Region 7 ang lagay ng limang taong gulang na batang chinese na nahawaan umano ng .

Ayon kay Dr. Van Philip Baton, Medical Officer III ng DOH-7, magaling na ang pasyente na mula China matapos humupa ang lagnat nito.

Sa kabila nito, patuloy pa rin ang kanilang monitoring sa bata na naka-confine sa isang pagamutan sa lungsod ng Cebu.

Aniya, hinihintay na lamang ng ahensya ang resulta ng eksaminasyon sa specimen ng bata na ipinadala sa Australia na inaasahang dadating ngayong araw ng Biyernes o bukas ng Sabado.

Samantala, nilinaw ni Baton na wala pang confirmed case sa 2019 N-Cov sa Central Visayas, batay sa kanilang monitoring.