Bicolano, ‘di kuntento sa sitwasyon ng bansa sa ilalim ng Administrasyong Marcos

Sa kasalukuyang kalagayan ng bansa, ramdam na ramdam ang galit at pagkabahala ng mga Bicolano, na ikinababahala ang mga kaganapan sa ilalim ng pamamahala ng Administrasyong Marcos.

Ayon sa ilan, kabilang na si Tatay Benji Dait, nagiging malabo na ang mga hakbang ng gobyerno, lalo na sa mga isyung may kinalaman sa karapatang pantao at due process.

Ang kawalan ng hustisya at ang tila hindi gumaganang batas ang mga pangunahing dahilan ng kanilang pagkadismaya.

Sa isang town hall meeting na isinagawa ng Pastor Apollo C. Quiboloy for Senator Movement, tinalakay ng mga Bicolano ang kanilang mga hinaing, kabilang na ang talamak na korapsyon, kriminalidad, at ang hindi natutugunan na problema sa iligal na droga.

Kasama na rin dito ang kanilang pagkabahala sa kawalan ng hustisya sa mga kaso ng karapatang pantao.

Pinahalagahan ng mga Bicolano ang darating na eleksyon at nanawagan sila na ang mga mamamayan ay maging mapanuri at magboto ng tama.

Ayon sa mga lider ng komunidad, mahalagang malaman kung sino ang mga kandidato na karapat-dapat at may malasakit sa bayan.

Kasama na dito ang pagkilala kay Pastor Apollo C. Quiboloy, na ayon sa mga dumalo sa town hall meeting, ay nagbigay linaw sa kanilang mga tanong at inaasahang pagbabago.

Sa kabila ng mga hamon, patuloy ang mga town hall meetings ni Quiboloy sa iba’t ibang barangay sa buong Pilipinas upang makapagbigay ng impormasyon at magsulong ng makatarungang pamamahala sa darating na halalan.