Biden, tumawag kay presidential presumptive President Marcos para magpaabot ng pagbati

Nagkausap at binati ni U.S. President Joe Biden si Presidential Frontrunner Bongbong Marcos.

Sa isang pahayag, sinabi ni Biden na inaasahan niya ang pakikipagtulungan kay Marcos para patuloy na palakasin ang alyansa ng dalawang bansa.

Kaugnay nito, sinabi ni Philippine Ambassador to US Jose Manuel Romualdez na alas 9 ng umaga ngayong araw, ika-12 ng Mayo nang tumawag si Biden kay Marcos.

Siniguro aniya ng US President kay Marcos na mananatiling matatag ang US sa pagsuporta sa Pilipinas sa post-pandemic recovery efforts nito.

Patuloy na nangunguna ang dating senador sa partial and unofficial tally sa pagkapangulo na nakakuha ng mahigit 31 milyong mga boto.