COVID-19 UPDATES
Bilang ng mga confirmed cases sa Cavite, umabot na sa 75
Umabot na sa 75 ang bilang ng mga kumpirmadong kaso ng Coronavirus Disease 2019 (COVID-19) sa probinsya ng Cavite.
Ayon kay Governor Jonvic Remulla, ang Bacoor ang may pinakamaraming COVID-19 cases sa probinsya na may 24.
Sinundan ito ng Dasmarinas na may 13 na kaso at Imus na may 12.
Samantala, sinabi rin ni Remulla na magkakaroon na ang probinsya ng DOH/RITM accredited testing laboratory.
Sakaling makakuha aniya ang probinsya ng full accreditation ay magiging kauna-unahan ang probinsya sa buong Luzon na may Polymerase Chain Reaction Testing Laboratory.
