Bilang ng mga kumpirmadong kaso sa QC, umabot na sa 464

Umabot na sa 464 ang naitalang kaso ng Coronavirus Disease 2019 (COVID-19) sa Quezon City batay sa datos ng Department of Health (DOH).

Ayon sa QC Government, sa nasabing bilang ay 310 dito ang may address sa lungsod habang 174 ang kumpirmado na ng kanilang QC Epidemiology and Surveillance Unit (CESU).

Nasa 33 naman ang nasawi at 14 ang gumaling sa sakit.

Habang nasa 76 ang patients under investigation (PUI) at 416 ang patients under monitoring (PUM).

Sinabi ng city government na ang datos mula sa DOH ay dadaan pa sa validation ng CESU, health center staff at mga opisyal ng barangay para masiguro na lahat ay residente ng QC kaya posibleng magbago pa ang bilang ng mga kaso sa lungsod.