Bilang ng mga lugar na nagkansela ng pasok dahil sa COVID-19, nadagdagan

Nadagdagan pa ang mga lugar na nagdeklara ng kanselasyon ng pasok hanggang sa Marso 14, araw ng Sabado.

Maliban sa Metro Manila, wala na ring pasok sa lahat ng antas sa pampubliko at pribadong paaralan sa buong lalawigan ng Cavite at Bulacan.

Wala na ring pasok sa lahat ng antas sa Cainta, Rizal at Lingayen, Pangasinan.

Bunsod ito ng pagkansela ni Pangulong Rodrigo Duterte ng pasok sa Metro Manila dahil sa banta ng Coronavirus Disease (COVID-19).