COVID-19 UPDATES
Bilang ng repatriated OFWs mula sa iba’t-ibang bansa, halos 13,000 na
Umabot na 12,970 distressed Overseas Filipino Workers (OFWs) ang naitala ng Department of Foreign Affairs (DFA) na nakauwi sa bansa bilang bahagi ng repatriation plan ng pamahalaan sa gitna ng Coronavirus Disease 2019 (COVID-19) pandemic.
Ito ay matapos makauwi ngayong ara, Abril 13 ang isa pang batch ng OFWs na aabot sa 822 seafarers lulan ng MS Norwegian Epic, MS Marina at MS Norwegian Spirit mula sa Estados Unidos.
Agad namang sumailalim sa mandatory 14-day quarantine ang mga nasabing Pinoy seafarers lulan ng MS Norwegian Epic at MS Marina habang naka home quarantine naman ang mula sa MS Norwergian Spirit.
Samantala, patuloy namang tinitiyak ng DFA at iba pang ahensya ng pamahalaan kasama na ang DOH, Bureau of Immigration, OWWA at DOTR ang ligtas at matagumpay na repatriation ng iba pang OFWs.
