‘Bini Chapter 1’, nominee sa 2025 New York Festivals TV & Film Awards

Napabilang sa shortlist ng 2025 New York Festivals TV & Film Awards ang unang bahagi ng docuseries ng Bini na pinamagatang ‘Bini Chapter 1: Born to Win’.

Para ito sa best documentary-biography and profiles category.

Isang milestone na naman ito para sa grupo lalo na’t kamakailan lang ay nagkaroon sila ng breakthrough nang maabot ng kanilang music ang 1B all-time streams sa spotify.

Sentro ng ‘BINI chapter 1: Born to Win’ ang kwento ng grupo sa huling mga araw bago ang kanilang Biniverse, ang 3 gabing debut performance nila sa New Frontier Theater.

Kasama rin ang kanilang auditions, pagsubok ng pandemya, hanggang sa mga personal na hamon tulad ng mental health struggles at iba pa.