BOC, nakakumpiska ng ₱2.65-M na cocaine sa Taguig

Nakumpiska ng Bureau of Customs (BOC) ang ₱2.65 million na halaga ng cocaine at iba pang items sa isinagawang operasyon sa Taguig.

Sa pinagsanb pwersa ng BOC agents, PDEA, at National Intelligence Coordinating Agency, sinalakay nila nitong Martes ang isang storage facility ng isang afp-rsbs industrial park.

Nakumpiska sa operasyon ang limang daang gramo ng cocaine, kush vape cartridges na mayroong marijuana oil at iba pang paraphernalia.

Samantala, sa pinagsanib ding operasyon sa Muntinlupa City, nakumpiska sa drug buy bust ang ₱149.6 million na halaga ng shabu.

Ayon kay Customs Commissioner Yogi Filemon Ruiz, ang pakikiisa o kooperasyon ng mga ahensya ay nagbibigay ng mabilis na pagsugpo lalo na sa smuggling.