Bong Go, handang maging “supreme sacrifice” ngayong halalan

Handang magsakripisyo si Senator Christopher Bong Go sa susunod na eleksiyon.

Ito ang pahayag ni Senator Go dahil ayaw niyang may maipit, mamroblema at masasaktan kaugnay sa usapin ng presidential race.

Sinabi ni Go na matanda na si Pangulong Rodrigo Duterte at ayaw na niyang bigyan pa ito ng dagdag na problema at mahirapan maging ang kanilang mga supporters.

Sa kabila nito, ipinauubaya na ni Go ang kanyang kapalaran sa Diyos at sa sambayanang Pilipino kasabay ng pagtiyak niya na magpapatuloy ang kanyang  pagsi-serbisyo nang walang kapaguran.

Handa rin aniya siyang “supreme sacrifice” para sa bansa para magkaisa ang mga supporters at leaders.

Binigyang diin ni Go na maraming paraan para makatulong  sa kapwa Pilipino kahit saan pa siya dalhin ng kanyang tadhana.

Aminado si Go na patuloy siyang nananalangin ng gabay mula sa Panginoon  dahil naniniwala siyang  destiny ang pagiging isang pangulo ng bansa.

Kinumpirma din ni Go na bagama’t nakakataba ng  puso ang mainit na pagtanggap at suporta ng  maraming kababayan pero sa mga nakalipas na araw ay nagkokontrahan ang kanang puso at isip sa kanyang mga ginagawa.

Giit ni Go, tao lang din naman siya na napapagod at nasasaktan at maging  ang kanyang pamilya ay nahihirapan na din