Brgy. officials, maaaring arestuhin ang hindi bakunadong indibidwal sa kanilang nasasakupan

Maaaring arestuhin ng barangay officials ang sinumang unvaccinated na mga indibidwal na nagpupumilit na lumabas ng kanilang bahay.

Batay ito sa utos ni Pangulong Rodrigo Duterte sa gitna ng pagtaas muli ng COVID-19 cases sa bansa.

Ayon kay Pangulong Duterte, may karapatan ang barangay officials na ipatupad ang batas sa kanilang nasasakupan.

Maaari rin aniya silang magpatulong sa mga sibilyan sa kanilang lugar kung kinakailangan.

Binigyang-diin naman ng pangulo na huwag agad arestuhin ang mga hindi bakunadong indibidwal, bagkus, pakiusapan muna ito.