Bulkang Taal, nakapagtala ng 55 volcanic earthquakes at 19 volcanic tremors sa loob ng 5 araw

Nakapagtala ng 55 na pagyanig at 19 volcanic tremors ang Bulkang Taal sa nakalipas na 5 araw, ayon sa Philippine Institute of Volcanology and Seismology (PHIVOLCS).

Pinakamaraming naitalang volcanic earthquakes ay noong April 9 kung saan umabot ito ng 20.

Noong April 10 naman, naitala ang pinakamaraming volcanic tremors na umabot ng walo.

Sa ngayon, ay nananatili pa ring nasa Alert Level 1 ang bulkan, ngunit nilinaw ng PHIVOLCS na hindi ito nangangahulugang huminto na ang pag-aalboroto o nawala na ang banta na posibleng pumutok ito.