Camille Villar, tinatarget na matulungan ang poultry industries

Ninanais ni Las Piñas City Lone District Rep. Camille Villar na magkaroon ng isang panukalang mangangalaga sa poultry industries.

Aniya, nahaharap ang naturang sektor sa napakaraming hamon gaya nalang ng pagkakaroon ng Avian flu, mataas na input cost ng feeds, disease treatments at problema sa importasyon.

Malaki naman ani Camille ang ambag ng poultry industry sa ekonomiya ng bansa kung kaya’t nararapat lang din na ito ay matutukan.

Ang poultry industry ay nakatutulong rin tungo sa pagkakaroon ng food security.