Caraga Region, nanatiling COVID-free – Cong. Plaza

Ipinagmamalaki ni Cong. Eddiebong Plaza ang buong Caraga Region dahil sa suportang ipinapakita ng mga tao nito.

Sa panayam ng Sonshine Radio kay Plaza, sinabi nitong ang nagsisilbing lakas ng kanilang rehiyon ay ang pakikipagtulungan ng bawat isa sa mga ipinapatupad na lockdown protocols.

Aniya, wala silang nagiging problema sa kanilang nasasakupan ngunit ang tangi niyang iniisip ngayon ay kung paano nila ito mapapanatili.

Kasunod nito ay lubos ang pasasalamat ni Cong. Plaza sa lahat ng local chief executives at sa lahat ng public official sa buong Caraga Region sa pagsunod sa mandato ng kanilang gobernador.

Pagbabahagi pa ni Cong. Plaza na dahil sa pagsunod ng kanilang mga residente ay zero case na sa COVID-19 ang buong rehiyon ngunit may binabantayan na lamang na mga person under investigation (PUI) at person under monitoring (PUM).

 “In fact, yung nag-positive ng COVID-19 sa Region ng Caraga, nag-test ulit, nag-negative na this time. We hope to maintain this.” – Cong. Plaza