Catriona Gray, panalo sa inihaing libel case vs showbiz editor, writer

Panalo sa kanyang inihaing 2020 libel case si Miss Universe 2018 Catriona Gray laban sa isang showbiz editor at writer.

Kaugnay ito sa ilang fake photoshopped photos tungkol sa kanya na inilabas online at kumalat sa social media.

Sa anunsyo ng legal counsel ni Catriona na si Atty. Josabeth Alonso, napatunayang “guilty beyond reasonable doubt” ang Bulgar entertainment editor na si Janice Navida at writer na si Melba Llanera.

Dahil dito, makukulong ang dalawa batay sa inilabas na desisyon ng Quezon City Regional Trial Court branch 93.