CG Vice Admiral Abu, itinalaga ni Pang. Duterte bailang 29th PCG commandant

Itinalaga ni Pangulong Rodrigo Duterte si CG Vice Admiral Artemio Abu bilang 29th Philippine Coast Guard (PCG) Commandant.

Sa kanilang official facebook page, inanunsyo ng pcg na ang pagkakatalaga kay abu ay epektibo kahapon, pebrero 28.

Papalitan ni Abu si Officer-in-Charge Vice Admiral Eduardo Fabricante.

Si Abu ay nagsilbi bilang kumander ng Maritime Safety Services Command at Task Force Commander ng PCG Task Force Kaligtasan sa Karagatan.

Na-assign rin ito bilang kumander ng PCG District Southern Visayas, PCG District Southern Tagalog at Coast Guard Education, training, and doctrine command at naging commanding officer ng iba’t-ibang PCG ships kung saan nakuha niya ang most coveted “command at sea” badge.

Si Abu ay miyembro ng Philippine Academy Class of 1992.