Championship showdown ng PVL Reinforced, sa Sept. 4 na

Sa Miyerkules, Setyembre 4, 2024 na ang championship showdown ng PVL Reinforced sa pagitan ng Akari Chargers at Creamline Cool Smashers.

Orihinal na isasagawa sana ito nitong Lunes, Setyembre 2 sa Smart Araneta Coliseum subalit dahil sa bagyong Enteng ay piniling isuspinde na lang ito.

Ang bagyo ay naging sanhi ng malawakang pagbaha kasali na sa daanan papuntang Cubao kung saan gaganapin ang games.

Samantala, ang maglalaban-laban para sa bronze ay ang PLDT High Speed Hitters at Cignal HD Spikers.