China, binalewala ang pangakong suporta ng Amerika sa Pilipinas

Binalewala ng China ang pagtiyak ng Amerika na bibigyan nila ng proteksyon ang tropa ng pamahalaan ng Pilipinas kapag sinalakay sila sa West Philippine Sea.

Ayon kay Chinese Ambassador Zhao Jianhua, sa halip na tutukan ng U.S. ang mga aksyon ng China ay mas makabubuting isipin na lamang ng Estados Unidos ang ibang bansa.

Dagdag pa nito, magkakaroon ng kaguluhan ang lahat o anumang bansa kung hindi mapapanatili ang kapayapaan at estabilidad maging ang freedom of navigation sa mga pinag-aagawang teritoryo.

Magugunitang tiniyak ng US ang suporta nito sa Pilipinas sa pagbisita sa bansa ni US Secretary Of State Mike Pompeo.

DZARNews