National News
Clearing operations sa buong bansa, tuloy pa rin kahit tapos na ang 60-days na palugit ni Pangulong Duterte
NILINAW ni Department of Interior and Local Government Sec. Eduardo Año na tuloy pa rin ang street clearing operations ng mga lokal na pamahalaan sa buong bansa.
Kasunod ito ng pagtatapos ng animnapung araw na palugit na ibinigay ni Pangulong Rodrigo Duterte sa lahat ng mga Local Government Units na linisin ang mga kalsada na kanilang nasasakupan.
Paliwanag ni Año na ang animnapung araw na palugit para sa road clearing ay isinagawa upang sabay-sabay na malinisan ang lahat ng mga kalsada.
Kaugnay nito, nag-ikot na ang mga opisyal ng DILG sa mga komunidad upang alamin kung sumunod ang mga lokal na opisyal at kung sino ang mga dapat masampahan ng kaso.
