Commemorative stamp ng yumaong si dating Pang. FVR, pormal na inilunsad ng PhlPost

Opisyal nang inilunsad ng PhlPost ang commemorative stamp ng yumaong si dating Pangulong Fidel V. Ramos nitong Nob. 25, 2022.

Bukod dito, ay binuksan din ang President Fidel V. Ramos commemorative exhibit at memorabilia sa lobby ng Historic Manila Central Post Office sa Liwasang Bonifacio.

Ginanap ito sa Manila Central Post Office sa Liwasang Bonifacio.

Ang naturang event ay kasabay ng pagdiriwang ng National Stamp Collecting Month at 255th anniversary ng Philippine Postal Service.

Pinangunahan ni Postmaster General Norman Fulgencio ang nasabing okasyon kung saan kabilang din sa dumalo ang anak ni PFVR na si Cristina Martinez-Ramos at ilang kaanak nito.

Naroon din sina Dr. Rene Escalante, chairman National Historical Commission of the Philippines; Mr. Oscar Casaysay, Executive Director National Commission for Culture and the Arts (NCCA); Mr. Jose  Enrico Golez, City Councilor ng Parañaque at former DILG Secretary Rafael Alunan III.