Convenor ng PI, umaming nakipag-usap kay Speaker Romualdez

Nakipag-ugnayan ang People’s Initiative for Modernization and Reform Action (PIRMA) kay House Speaker Martin Romualdez para makakuha ng 3% na lagda mula sa voter’s ng bawat congressional district.

Kinumpirma ito mismo ni PIRMA Lead Convenor Noel Oñate kay Sen. Imee Marcos matapos na ipinakita sa kanya ang larawan kung saan magkasama sila ni Speaker Romualdez, Ako-Bicol Rep. Elizaldy Co at iba pang mga abogado noong January 8, 2024.

Nang una siyang tinanong ni Sen. Chiz Escudero, sinabi niya na kay Cagayan de Oro 2nd District Rufus Rodriguez at Ako-Bicol Rep. Alfredo Garbin lang siya nakipag-usap.

Paliwanag ni Oñate, nakalimutan niya lang banggitin ang pangalan ni Romualdez.

Samantala, sinabi ng PIRMA lead convenor na January 2, lang nagsimula ang talakayan hinggil sa PI.