COVID-19, “major threat” parin – WHO

Nananatiling “major threat” ang COVID-19 ayon sa World Health Organization (WHO).

Sinabi ni WHO Chief Tedros Adhanom Ghebreyesus, hindi man global health emergency ang COVID hanggang ngayon subalit patuloy parin itong umiikot, nagbabago at pumapatay kung kaya’t banta parin ito sa kalusugan.

Noong December 2023, sa datos mula sa halos 50 bansa sa Europa at sa America, nasa 10-K ang naitalang nasawi dahil sa COVID-19.

Patuloy na hinihikayat ng WHO ang publiko na magpabakuna, magsuot ng facemask at gawin ang iba pang precautionary measures laban sa virus.