COVID-19 testing center sa Marikina City, bubuksan na kahit hindi pa aprubado ng DOH

Pabubukasan na ni Marikina City Mayor Marcy Teodoro ang Coronavirus Disease 2019 (COVID- 19) testing center sa nasabing siyudad ngayong Biyernes, April 17 kahit wala pang approval mula sa Department of Health (DOH).

Ayon kay Teodoro, nakababahala ang pagsasawalang pansin ng DOH sa kanilang panawagan na aprubahan na sa lalong madaling panahon ang operasyon ng kanilang molecular laboratory.

Ayon sa alkalde, handa siyang mademanda para lamang maumpisahan ang operasyon ng testing center.

Kahapon, Abril 13, bigo ang DOH na suriin ang pasilidad habang humabol naman ngayon ang mga tauhan ng DOH sa testing center para tingnan ang compliance nito.