DA, pansamantalang ititigil ang pagbebenta ng P20/kilo na bigas

Inihayag ng Department of Agriculture (DA) na pansamantala munang ititigil ang pagbebenta nila ng ₱20/kilo na bigas.

Magtatagal ito hanggang matapos ang election period sa taong 2025 bilang pagsunod sa 10 araw na ayuda ban ng Commission on Elections (Comelec).

Ang hakbang ay para maiwasan na ring magamit ang proyekto sa pulitika o pangangampanya.

Nitong Mayo 1, 2025 o sa unang araw ng pagpapatupad ng ₱20/kilo ng bigas sa Cebu, ay nasa humigit-kumulang 500 sako ang inilabas ng National Food Authority (NFA) at DA.