750K masks, PPEs na donasyon ng Vietnam sa Pilipinas, dumating na sa bansa 

Dumating na sa bansa ang daan-daang libong masks at PPE’s na donasyon ng Vietnam sa Pilipinas.

Ang naturang donasyon ay personal na tinanggap ni Foreign Affairs Secretary Teodoro Locsin.

Nagmula naman ang 750,000 masks at PPE’s mula sa Business Tycoon at kilalang Philanthropist sa Vietnam na si Johnathan Hanh Nguyen.

Mismong ang Business Tycoon naman ang nag-asikaso ng lahat upang maging maayos ang pagdating ng mga masks at PPE’s sa bansa sa tulong na rin ng DOF, BOC at ibang ahensya ng pamahalaan na may kaugnay rito.